Արիել Ցուկերբերգը` Facebook-ի հիմնադիր, միլիարդատեր Մարկ Ցուկերբերգի քույրը, մոտ ապագայում կդանա Google-ի ` սոցցանցի խոշորագույն մրցակցի աշխատակից: Այս մասին նշված է Արիելի` Facebook-ում գրառման մեջ:
Google կորպորացիան նախօրեին հայտարարել էր Wildfire սթարթափի գնման մասին, որը պլատֆորմներ է մշակում սոցցանցերում մարկետինգային ընկերություններում ղեկավարման համար:
Արիել Ցուկերբերգը աշխատում է Wildfire-ում` որպես կրտսեր մենեջեր: 400 հոգուց բաղկացած անձնակազմը պետք է մտնի Google-ի կազմի մեջ:
« Ես Իսրայելում եմ Birthright-ի (անվճար կրթական ծրագիր Իսրայել երիտասարդ հրեաների համար) ու հենց նոր իմացա, որ դարձել եմ Google-ի աշխատակից: Չեմ ստի… Անհարմար եմ զգում, սակայն, միևնույն ժամանակ, շատ հպարտ եմ Wildfire թիմի մաս դառնալու համար Ալանի ու Վիկտորյայի համար այս հուզիչ պահին (սթարթափի հիմնադիրներ)»,- Facebook-ում գրել է Արիելը:
Ի տարբերություն ավագ քրոջ` Ռենդիի, Արիելը ցանկացել է ինքնուրույն կերտել իր կարիերան, թեև Մարկը նրան առաջարկել է միանալ իր թիմին, գրում է Business Insider հրատարակությունը:
Facebook-ն ու Google-ը մրցակցում են` որպես աշխարհում օնլայն տեղեկատվության ու գովազդային հարթակի խոշորագույն ագրեգատորներ:
