Նյույորքյան դատարանը միջազգային ահաբեկչական «Ալ-Քաիդա» խմբավորմանը, աֆղանական «Թալիբան» շարժմանը և Իրանի կառավարությանը պարտավորեցրել է որպես փոխհատուցում 6 մլրդ դոլար վճարել 2001թ-ի սեպտեմբերի 11-ի զոհերի հարազատներին:
Դատարանի որոշումը զուտ խորհրդանշական բնույթ է կրում, քանի որ նշված գումարը ստանալը անհնար է: Դատավարությունը ընթացել է ահաբեկչության 47 զոհերի ընտանիքների հայցի հիման վրա: Որպես պատասխանողներ ներկայացված էին «Ալ-Քաիդան», «Թալիբանը» և Իրանը:
Իրանի նախագահը պաշտոնապես հերքել է իր երկրի ցանկացած մասնակցությունն այդ ահաբեկչությանը:
