Հեռավոր ֆերմաներից մինչև գյուղական պոլիկլինիկաներ՝ աշխարհի նույնիսկ ամենաաղքատ մարդկանց կյանքը սկսում է արմատապես փոխվել՝ շնորհիվ բջջային հեռախոսի:
Զարգացող երկրներում բջջային կապի բաժանորդների թիվը հասել է 5 միլիարդի: Մոլորակի բնակչության ¾-րդը մուտք ունի բջջային ցանցեր:
Վերջերս Համաշխարհային բանկի հրապարակած զեկույցի համաձայն՝ տեխնոլոգիաները փոխում են միջոցները, շատերը սկսում են բջջայինի միջոցով կառավարել իրենց ֆինանսները, հետևել եղանակային կանխատեսումներին, համագործակցում կառավարությունների հետ և այլն:
Բջջային կապի ծառայությունները այնպիսի տարածաշրջաններում, ինչպիսին Աֆրիկան է, սահմանափակ խոսակցությունների և պարզունակ տեքստային հաղորդագրությունների շնորհիվ մեծացնում են դպրոցում սովորողների թիվը, արագացնում բանկային գործարքները, ստեղծում աշխատատեղեր, օգնում գնահատելու առողջապահական ցուցանիշները, բարձրացնում աղետի հետևանքների վերացման արդյունավետությունը և քաղաքացիներին մասնակից դարձնում պետական կառավարման գործընթացներին:
Նիգերում բջջային կապի հասանելիության շնորհիվ առևտրականները կարողանում են ամբողջ երկրի մասշտաբով համեմատել շուկայական գները՝ նվազեցնելով ժամանակի և ուղևորությունների ծախսերը: Արդյունքում նրանց շահույթը 30 տոկոսով ավելացել է: Իսկ Քենիայում հատուկ ծրագիրը ՁԻԱՀ-ով հիվանդներին հաղորդագրությամբ հիշեցնում է դեղամիջոցների ընդունման անհրաժեշտության մասին: Բացի այդ, բջջային տեխնլոգիաները մեծապես նպաստել են Մերձավոր Արևելքում ժողովրդավարական շարժման տարածմանը:
Դեռևս 10 տարի առաջ Եգիպտոսում ֆիքսված հեռախոսակապ ուներ բնակչության 10 տոկոսը միայն:Այսօր Եգիտոսում բջջային կապից օգտվում է 82 միլիոն մարդ: Այդ թիվը մշտապես աճում է:
«Բջջային հեղափոխությունը» դեռևս նախնական փուլում է:
