Թաիլանդի Սուրին նահանգում վարչապետ Յինգլակ Չինավատի մասնակցությամբ բուդդայական ծիսակատարության ժամանակ փիղը ոտնատակ է արել և սպանել մի մարդու: Այս մասին հաղորդում է Bangkok Post-ը:
Ողբերգությունը տեղի է ունեցել այսօր վաղ առավոտյանʽ ծիսակատարության հենց սկզբում, որի ժամանակ վարչապետը փղերի վրա նստած բուդդայական վանականներին հագուստ և առաջին անրաժեշտության պարագաներ է բաժանել:
Մոտ 50 տարեկան տղամարդը բարձրացել է ծառը, որը գտնվել է միջացառման հրապարակում: Հենց այդ հրապարակում մի քանի րոպե անց պետք է հայտնվեր վարչապետը:Երբ ոստիկանները պահանջել են, որ տղամարդը ցած իջնի ծառից, նա իրեն ցած է նետել այնտեղից ուղիղ փղերի ոտքերի առջև: Փղերը պատրաստվում էին սկսել քայլերթը: Տղամարդը բռնել է նրանց ոտքերից ու կնճիթներից և զայացրել կենդանիներին:
Փիղը կնճիթով վերցրել է նրան ու մեծ ուժող գետնին տապալել: Փղապանները տղամարդուն վերցրել են կենդանու ոտքերի տակից ու հանձնել բժիշկներին: Հիվադանոցի ճանապարհին տղամարդը մահացել է:
Ողբերգական միջադեպից հետո միջոցառումը շարունակվել է:
Փիղը Թաիլանդում սուրբ կենդանի է և համարվում է երկրի և Սուրին նահանգի խորհրդանիշերից մեկը:Հենց այդ նահանգում բազմաթիվ բնակիչներ փիղ են պահում և աշխատանքի համար վարժեցնում նրանց:
