Մինչև 2030թ-ը Երկրի վրա ապրող աղքատ մարդկանց թիվը կտրուկ կնվազի: Միաժամանակ կտրուկ կաճի այն մարդկանց թիվը, որոնց սովորաբար անվանում են միջին խավ: Նման հայտարարություն է կատարվել ամերիկացի հետախույզների կանխատեսումներում:
Համաձայն այդ զեկույցի` մինչ 2030թ-ը միջին խավը կաճի 2 մլրդ –ով, որոնցից յուրաքանչյուրին ավելի շատ մթերք է հարկավոր լինելու:
Ներկայացվել է զեկույցի միայն բաց մասը, իսկ գաղտնի հատվածը ուղարկվել է Սպիտակ տուն և պետդեպարտամենտ:
Ըստ ամերիկյան հետախուզության կանխատեսումների` ամենաշատ խնդիրների առջև կկանգնեն այն երկրները, որտեղ բարեկեցության աճը (աղքատությունից անցումը միջին խավի) ավելի մեծ թվով մարդկանց կվերաբերի:
Նշվում է, որ մթերային ապրանքների պահանջարկը առաջիկա 18 տարվա ընթացքում աճելու է 1,5 անգամ, դրա հետ մեկտեղ մոլորակի բնակչության քանակը 7,1 մլրդ-ից կհասնի 8,3 մլրդ-ի: Հատուկ արժեք կստանա խմելու ջուրը, որովհետև 2030թ-ին արդեն երկրի բնակչության 50%-ը խմելու ջրի հետ կապված խնդիրներ կունենա:
