«ԲՀԿ-ական փոխնախարարներն ու փոխմարզպետները երեկ ազատվեցին զբաղեցրած պաշտոններից: Նախորդ համարում մենք գրել էինք՝ առաջիկայում սպասվում է, որ կառավարությունից «կառուցողական ընդդիմության» ներկայացուցիչներին կհրահանգեն լքել պաշտոնները: Չլինելով կոալիցիայի անդամ՝ նրանք երկու ամիս մնացին իրենց տեղերում, մինչդեռ ԲՀԿ-ն բոյկոտել էր Տիգրան Սարգսյանի ղեկավարած կառավարությունը և հրաժարվել կոալիցիա կազմել, ինչից հետո, բնականաբար, ԲՀԿ-ական նախարարները հանձնեցին պորտֆելները»,- գրում է «Հրապարակ»-ը և հավելում.
«Դրան պետք է հետևեին նաև փոխնախարարները: Բայց վերջիններս համառորեն շարունակում էին մնալ, մինչև կառավարությունից չստիպեցին ազատել պաշտոնները: Եվ մինչ օրս ԲՀԿ-ն չէր կարողանում հոդաբաշխ խոսք ասել, թե ինչու փոխնախարարները չեն հեռանում իիենց կողմից այդքան քննադատված կառավարությունից:
Հանկարծ երեկ, երբ արդեն ուզած-չուզած պետք է հեռանային՝ «սեփական դիմումի համաձայն», կուսակցությունից մի զավեշտալի հաղորդագրություն տարածվեց, որի համաձայն, իբր նախարարների՝ երկրի հոգսերով մտահոգ տեղակալները պետք է ավարտին հասցնեին իրենց կիսատ թողած գործերը. «2012 թվականի մայիսի 6-ի խորհրդարանական ընտրություննեիից հետո «Բարգավաճ Հայաստան» կուսակցությունը քաղաքական որոշում կայացրեց՝ չմասնակցել կոալիցիոն կառավարության ձևավորմանը: Հավատարիմ մնալով մեր կուսակցության քաղաքական որոշմանը` մենք հայտարարում ենք այսօր ներկայացրած մեր հրաժարա-կանների մասին: Ընտրություններից հետո որոշ ժամանակահատված մեր պաշտոնավարումը բացառապես մեկ նպատակ էր հետապնդում՝ չվտանգել և տրամաբանական ավարտին հասցնել ընթացիկ ծրագրերը»:
Ստացվում է, որ ԲՀԿ-ական տեղակալներն ավելի մեծ գործառույթներ են ունեցել, քան նախարարները: Եթե նախարարները կարող էին նոր կառավարության ձևավորումից հետո, օրերի ընթացքում, հրաժարվել պաշտոններից, ապա փոխմարզպետներին ու փոխնախարարնեիին անխուսափելի էր մնալ ու պաշտոնավարել մինչև հուլիսի 27-ը: Նրանք, պարզվում է՝ ողջ գերատեսչության առանցքն են եղել և միայն երեկ, բարեհաջող ավարտելով կիսատ գործերը, հանգիստ խղճով ազատման դիմումներ գրեցին: Այս հայտարարության տակ ստորագրել են արտակարգ իրավիճակնեիի փոխնախարար Ռոմիկ Տիգրանյանը, կապի և տրանսպորտի փոխնախարար Ռուբեն Սինոյանը, գյուղատնտեսության փոխնախարար Վարդան Կարապետյանը, Լոռիի փոխմարզպետ Էդիկ Կարախանյանը և Արագածոտնի փոխմարզպետ Մանաֆաս Առաքելյանը: Մինչդեռ նախօրեին նույն գյուղփոխնախարար Վարդան Կարապետյանը չկարողացավ բացատրել, թե իրենք ինչու են շարունակում աշխատել կառավարման մարմիններում: Իսկ ընդհանրապես տեղակալների մնալու մասին ասում էին, թե հանձնվել են կառավարության քմահաճույքին և կմնան այնքան, մինչև իրենց ասեն՝ գրեք դիմումները: Իհարկե, գործադիրից դուրս մղելով՝ ՀՀԿ-ն ԲՀԿ-ին «քաղաքական ապաստան» կտրամադրի համայնքապետերի պաշտոններում: Ինչ վերաբերում է թափուր պաշտոններին, ապա երեկ մեզ հայտնի դարձավ, որ դրանք առաջիկա քսան օրերի ընթացքում կհամալրվեն նոր կադրերով:
ՀԳ – Երեկ հրաժարականի դիմում է ներկայացրել նաև Գեղարքունիքի ՀՀԿ-ական փոխմարզպետ Արտյուշա Ղուկասյանը: Ձեռքի հետ մի անցանկալի կադրից էլ ազատվեցին:
