Դե գուցե ժամանակներն էնպես են, որ հիմա պետությանն է պետք, որ տարկետման իրավունքը հանվի, էդպես է պետք՝ հանում են։ Այդ մասին «Առաջին լրատվական»-ի հետ զրույցում ասաց Կոտայքի մարզպետ, Գագիկ Ծառուկյանի՝ բանակում չծառայած փեսա Կարապետ Գուլոյանը։
«Չծառայելու պատճառների մասին խոսել եմ»,- ասաց նա։
Հիշեցնենք, որ Կարապետ Գուլոյանն ասել էր, որ օրենքով սահմանված կարգով չի ծառայել, առողջական խնդիրներ չի ունեցել, իսկ թե ինչո՞ւ է օրենքը իրեն ազատել ծառայությունից, Գուլոյանը առաջարկել էր հետաքննություն վարել պարզելու համար։
Անդրադառնալով մամուլում շրջանառվող լուրերին, որ իր և Գագիկ Ծառուկյանի հարաբերությունները կրկին լարվել են, Գուլոյանն ասաց․
«Այդպիսի բան չկա, չի եղել և չի էլ լինի»,- շեշտեց նա։
Կարապետ Գուլոյանն ասաց, որ Կոտայքի մարզի 6 խոշորացված փնջում նոյեմբերի 5-ին լինելու են ընտրություններ։
«Թեժացումներ չեն սպասվում, պայքար նույնիսկ չկա»,- շեշտեց նա։
Անդրադառնալով իր հոր ընկերության սննկացման լուրերին, Գուլայանն ասաց, որ նորմալ դատական պրոցես է գնում, ամեն ինչ լավ է։
Մանրամասները՝ տեասնյութում։
