Ահաբեկչական սպառնալիքները, որոնց բախվում է ԱՄՆ-ը, բխում են ոչ միայն ԴԱԻՇ-ից, այլև այլ խմբավորումներից: Այդ մասին երկուշաբթի օրը հայտարարել է արդարադատության նախարար Լորետա Լինչը, գրում է ria.ru-ն:
«Մի շարք խմբավորումներ կան, որոնք սոցիալական ցանցերի միջոցով ձգտում են կոչ անել մարդկանց մեր երկրում բռնություններ իրականացնելու: Եվ ներկա պահին մենք ոչինչ չենք ուզում բացառել»,- ասել է նա մամուլի ասուլիսի ժամանակ՝ պատասխանելով անցյալ շաբաթ Կալիֆոռնիայի Սան Բերնարդինո քաղաքում տեղի ունեցած ահաբեկչության վերաբերյալ հարցին:
Լինչը նշել է, որ նախագահ Բարաք Օբաման իր կիրակնօրյա հեռուստաուղերձում «խոսել է ԴԱԻՇ-ի մասին, որը սպառնում է Ամերիկայի շահերին երկրի ներսում և նրա սահմաններից դուրս»: «Սակայն գոյություն ունեն այլ ահաբեկչական խմբավորումներ ևս, որոնք նպատակ ունեն մեզ վնաս հասցնելու»,- ասել է Լինչը:
