Շուրջ 13800 տարի առաջ քարի վրա փորագրված յոթ խրճիթների սխեման, որը հայտնաբերել են Իսպանիայում, հանդիսանում է մարդկային բնակավայրի ամենահնագույն պատկերը: Գտածոյի մասին տեղեկացված է PLoS One ամսագրում: Գիտնականների կարծիքով` քարի վրա պատկերված է որսորդ-հավաքողների բնակավայրի ամենօրյա կյանքը:
Արվեստի հնագույն ստեղծագործությունները ստեղծվել են մոտ 40 հազար տարի առաջ, սակայն նրանք նվիրված են եղել բացառապես կենդանիներին և մարդկանց:
Իսպանացի գիտնականները այդ քարը հայտնաբերել են Բարսելոնից 50 կմ արևմուտք գտնվող Մոլի դել Սալտ հնէաբանական համալիրի տարածքում: Այնտեղ մարդիկ ապրել են Ք.ծ.ա. 13-7 դարերում: Պահպանվել են խրճիթների հետքեր, կենդանիների ոսկորներ և բնակավայրի այլ նշաններ:
Իսպանացի գիտնականները գտնում են, որ քարի վրա խրճիթները փորագրել է նախնադարյան նկարիչ ավանգարդիստը, որը վերջ է տվել միայն կենդանիներ նկարելու ավանդույթին: Նկարի եզրագծերը համընկնում են որսորդ-հավաքողների ժամանակակից ցեղերի խրճիթների համաչափություններին:
