Ձմռանը հարմարավետ զգալու համար բավական չէ նոր վերարկու գնելը: Fullpicture.ru-ն առաջարկում է մի քանի պարզ խորհուրդ ցուրտ ձմռանը դիմանալու համար:
1.Հագնվեք բազմաշերտ: Հագուստի շերտերը թույլ են տալիս պահպանել տաքությունը: Իսկ եթե շոգ լինի, հեշտ է ազատվել մի «շերտից»:
2.Գլխարկ կրեք: Երբեք մի մոռացեք գլխարկի մասին, քանի որ տաք գլուխը ամբողջ մարմինը ապահովում է ջերմությամբ:
3.Կրեք անջրաթափանց կոշիկներ: Դրանք ոտքերը պաշտպանում են սառը ջրից և տաք պահում:
4.Ընդունեք տաք լոգանքներ: Սառնամանիքից տուն վերադառնալով` ընդունեք տաք լոգանք: Այն վերականգնում է արյան շրջանառությունը և թուլացնում մկանային լարվածությունը:
5.Ավելի շատ հեղուկ խմեք: Ցրտին մենք ծարավ չենք զգում, սակայն դա կարող է բերել ջրազրկման և մաշկի չորացման:
6.Մեկուսացրեք պատուհանները: Փակեք պատուհանների ճեղքերը մինչև ցրտերի ընկնելը:
7.Երթևեկեք ցածր արագությամբ: Վթարներից խուսափելու համար նվազեցրեք ավտոմեքենայի արագությունը, ինչպես նաև փոխեք անվադողերը:
8.Հոգ տարեք ձեռքերի ափերի մասին: Պահպանեք ձեռքերը ցրտից: Օգտագործեք ձեռնոցներ և ձեռքի քսուքներ: Ձեռքերը տաք պահելը ձեզ կազատի հիվանդանալուց:
9. Մի մոռացեք փակել ջուրը: Ցրտերն ընկնելուց առաջ փակեք հողամասի ծորակը:
10.Կերեք կալորիական ուտելիք: Խիստ ցրտերին օրգանիզմին հարկավոր է նաև էներգիա, ինչը կտա կալորիական սնունդը:
11.Ուղևորվեք արձակուրդի տաք վայրեր: Ձմռան կեսին ավելի հաճելի բան չկա, քան տաք վայրերում անցկացրած արձակուրդը:
