Գիտնականներն ապացուցել են, որ կրթություն ստանալու ձգտումն իրոք ունի գենետիկական արմատներ և փոխանցվում է ծնողներից երեխաներին, հայտնում է viknaodessa.od.ua-ը:
Համապատասխան հետազոտությունները հրապարակվել են AERA Open ամսագրում: Հետազոտություններին մասնակցել են 1594 դեռահասներ, որոնցից բոլորն ունեն քույր կամ եղբայր:
Գիտնականները համեմատել են բոլոր երեխաների գենետիկ տվյալները և փորձել են գտնել գենետիկ կոդի այն գոտիները, որոնք պատասխանատու են դեռահասների մոտ ուսման ձգտելու համար: Փորձի արդյունքում նրանք հաստատել են, որ գեներն իրոք պատասխաանտվություն են կրում նրա համար, թե որքան ուժեղ են երեխաները ձգտում կրթության: Բացի այդ, հաջողվել է պարզել, որ եթե երեխայի մայրը համալսարան է ավարտել, ապա նրա երեխան միջին հաշվով 1․7 տարով ավելի է սովորում, քան առանց բարձրագույն կրթության ծնողների երեխաները:
