Կոլորադոյից EarthRoamer ընկերությունը ներկայացրել է XV-XD անվանումով նոր նախագիծը: Ավտոմեքենան երկու անգամ ավելի երկար է Mercedes-Maybach S600-ից և նախատեսված է հարմարավետ ճանապարհորդության համար, հայտնում է auto.vesti.ru-ն:
EarthRoamer XV-HD-ը կառուցվել է Ford F-650-ի հիմքի վրա, որը ԱՄՆ-ում համարվում է թեթև բեռնատար, ունի 10.2 մ երկարություն և 4 մ բարձրություն: Նրա շարժիչը 6.7 լիտրանոց Cummins դիզելն է, որն ունի 330 ձիաուժ:
Հսկայական սրահում կարող են տեղավորվել 8 մարդ: Նախատեսված են նաև քնելու տեղեր միայն 6 ուղևորի համար:
EarthRoamer-ի արտադրությունը կսկսվի տարեվերջին, սակայն պատվերների ընդունումն արդեն սկսված է: Մեքենայի նվազագույն գինը կազմում է 925000 դոլար:
