Արքայադստեր անունը դեռ չեն հայտնել, սակայն բուքմեյքերները կարծում են, որ աղջկան կանվանեն Էլիս կամ Շարլոտա, հայտնում է ռուսական tass.ru-ն:
Կիրակի օրը թագավորական ընտանիքի անդամները՝ Ուելսի արքայազն Չարլզը և նրա կինը՝ դքսուհի Կամիլան, մի ամբողջ ժամ են անցկացրել իրենց թոռնուհու հետ: Երեխային տեսնելու են եկել նաև Քեյթի ծնողներն ու քույրը:
Քանի դեռ չի հայտարարվել երեխայի անունը, Մեծ Բրիտանիայի բնակիչները գուշակում են, թե ինչպես կանվանեն գահի ժառանգորդուհուն: Էլիս և Շարլոտային հետևում են Օլիվիա, Վիկտորիա և Ելիզավետա անունները: Քեմբրիջի դուքս Ուիլյամի և դքսուհի Քեյթի դուստրը ծնվել է շաբաթ օրը և դարձել է չորրորդ գահաժառանգը՝ Ուելսի արքայազն Չարլզից, իր հորից և եղբորից հետո: