«Հակառակորդին միշտ այնպիսի պատասխան ենք տալիս, որ հասկանա՝ մեր հայրենիքի սահմանները ամուր պաշտպանված են, և ոչ ոք չի կարող իր ոտքը ներս դնել. նրանց հանկարծակի հարձակման դեպքում միշտ խոցում ենք տեղում»,- ԼՂՀ-ում «Առաջին լրատվականի» հետ զրույցում ասաց մարտական հենակետերից մեկի ավագ Նարեկ Ալավերդյանը: Նա նաև ընդգծեց, որ շատ հաճախ մարտական գործողությունների ժամանակ հակառակորդը զենքը թողնում է, վախից փախչում. «Հակառակորդն իր բաժինը ավելի «բեշբեթար» կուտի, քան կերել ա, թող ընտանիքս և ամբողջ հասարակությունը հանգիստ լինեն»,- նկատեց Նարեկ Ալավերդյանը:
Նրա ծառայակից ընկեր, սերժանտ Սմբատ Գաբոյանը մեզ հետ զրույցում ասաց, որ հակառակորդը, նախահարձակ լինելով, միշտ կրկնակի կորուստներ է ունենում: Նա նաև ընդգծեց, որ մեր զինվորները իրենց մարտունակությունը միշտ ապացուցում են:
Մանրամասները՝ տեսանյութում։
