Ուկրաինայի համար սկսվել է որոշիչ պահ, և հենց հիմա է որոշվում ամբողջ հետխորհրդային աշխարհի ճակատագիրը: Այս մասին, ինչպես հաղորդում է Gruzia Online-ը, սկայպ-ուղերձի միջոցով հայտարարել է Վրաստանի նախկին նախագահ Միխեիլ Սաակաշվիլին Կիևի Անկախության մայդանում անցկացվող «Հիշատակի գիշեր» ակցիայի ժանանակ:
«Այժմ շատ հետքրքիր և վճռորոշ պահ է Ուկրաինայի համար: Սա համախմբման ժամանակն է, ժամանակ, երբ և՛ կառավարությունը, և՛ նախագահը, և՛ առաջին հերթին Ուկրաինայի ժողովուրը պետք է միավորվեն թշնամու դեմ: Ապագան ձեր ձեռքերում է: Հույսներդ միայն ձե՛ր վրա դրեք, որովհետև դուք փոխել եք ոչ միայն Ուկրաինայի, այլև ամբողջ Եվրոպայի պատմությունը: Այժմ ողջ հետխորհրդային աշխարհի ճակատագիրը որոշվում է Ուկրաինայում»,- նշել է Սաակաշվիլին՝ դիմելով ակցիայի մասնակիցներին:
Այս գիշեր Մայդանի ակտիվիստները «Հիշատակի գիշեր» ակցիան են անցկացրել, որպեսզի վերհիշեն անցյալ տարվա իրադարձությունները և Ուկրաինայի իշխանություններին և քաղաքական գործիչներին հիշեցնեն չիրագործված խոստումների և գործերի մասին:
Հիշեցնենք, որ ուղիղ մեկ տարի առաջ նոյեմբերի 29-ի լույս 30-ի գիշերը «Բերկուտի» աշխատակիցները ցրեցին Մայդանի ակտիվիստներին՝ դաժան ծեծի ենթարկելով ուսանողներին:
