Գերավճարների վերադարձման համար ՀՀ 2010թ. պետբյուջեով նախատեսված է 18 մլրդ դրամ, սակայն դա չի հերիքում, քանի որ արտահանման աճի տեմպերը այս տարի բավականին մեծ են: Այդ պատճառով էլ Կառավարությունը այսօր 2010թ. պետբյուջեի և իր նախկին որոշումներից մեկի ցուցանիշներում կատարել է փոփոխություններ, որպեսզի ԱԱՀ զրոյական դրույքաչափով հարկվող գործարքներ իրականացնող հարկ վճարողները (արտահանողները) ԱԱՀ դեբետային մնացորդի գերավճարը կարողանան ստանալ պետությունից: Որոշվել է գերավճարի վերադարձման համար հատկացնել ևս 8 մլրդ դրամ։ Ըստ Տիգրան Սարգսյանի` այս լրացուցիչ գերավճարները վերադարձնելու հետ կապված` ՊԵԿ-ը խնդիրներ չի ունենա, քանի որ գերակատարում է իր ցուցանիշները։
