Грузия Online-ի փոխանցմամբ՝ Վրաստանի արտգործնախարար Գրիգոլ Վաշաձեն հայտարարել է, որ շահագրգռված է Nabucco-ին այլընտրանք հանդիսացող AGRI (Azerbaijan-Georgia-Romania Interconnector) գազատարի նախագծի իրագործմամբ: Այն նախատեսում է կասպյան գազը Ռուսաստանի տարածքի շրջանցմամբ դեպի Եվրոպա հասցնելու համար.
«Nabucco-ի նախագիծն ունի սկզբունքային կարևորություն: Սակայն հայտնի չէ, թե արդյոք այն կյանքի կկոչվի, քանի որ բոլորն ասում են, թե Nabucco-ն կիրագործվի, սակայն դրա իրագործումը շարունակ հետաձգվում է: Մինչդեռ AGRI նախագծի իրագործումը շատ ավելի էժան է, ինչի համար էլ այն կարելի է զգալիորեն արագ իրագործել:
Այս նախագծում ներառված բոլոր երկրները շահագրգռված են դրա իրագործմամբ: Դա առաջին հերթին վերաբերում է եվրոպական երկրներին, որոնք կարիք ունեն էներգակիրների այլընտրանքային աղբյուրների»:
Հիշեցնենք, որ AGRI գազատարի նախագծի ստեղծման փաստաթուղթը Վրաստանի, Ադրբեջանի, Ռումինիայի նախագահները և Հունգարիայի վարչապետը ստորագրել են 2010 թվականի սեպտեմբերին:
