Լեգենդար դերասան Դաստին Հոֆմանը փրկել է մի տղամարդու կյանք, որի սիրտը կանգնել է լոնդոնյան Հայդ-պարկում վազելու ժամանակ: Այս մասին հայտնում է Daily Mail-ը:
Ինչպես նշում է պարբերականը, դեպքը տեղի է ունեցել դեռևս ապրիլին, երբ 27-ամյա Սեմ Դեմպսերի սիրտը, Հայդ-պարկում վազելիս կանգնել է, և նա ընկել է: Այդ ժամանակ հենց նույն վայրում զբոսնելիս է եղել նաև Հոֆմանը:
Հոլիվուդի աստղն անմիջապես զանգահարել է շտապօգնություն, որի աշխատակիցները ժամանել են դեպքի վայր և փրկել են երիտասարդին:
Ինչպես գրում է Daily Mail-ը, ներկա դրությամբ Դեմպսերը գտնվում է հիվանդանոցում և ապաքինվում է: Նա ոչինչ չի հիշում պատահարի մասին, որը տեղի է ունեցել գրեթե տասն օր առաջ: Չնայած դրան, նա շնորհակալություն է հայտնել դերասանին՝ իրեն փրկելու համար:
