ԱՄՆ-ում՝ 47 տարեկան հասակում մահացել է Ադամ Յուկը` համաշխարհային ճանաչում ունեցող Beastie Boys հիփ-հոփ խմբի հիմնադիրներից մեկը: Այս մասին այսօր հաղորդել է ամերիկյան պրոդյուսեր Ռասել Սիմոնսը:
ИТАР-ТАСС –ի փոխանցմամբ՝ մահվան տեղը և ժամը, ինչպես նաև՝ պատճառները չեն նշվում: Հայտնի է, որ նա տառապում էր ականջի քաղցկեղով: Հիվանդությունը հայտնաբերվել էր 2009 թվականին: Այն ժամանակ երաժիշտը հայտարարել էր, որ ինքը բուժվելու բավական լուրջ հնարավորություններ ունի:
Խմբի պաշտոնական ներկայացուցիչը դեռ իրենց խմբի մասնակցի մահվան մասին հրապարակային հայտարարությամբ հանդես չի եկել:
Beastie Boys խումբը հիմնադրվել է 1981 թվականին: 20 տարուց ավել գոյություն ունեցող խումբը թողարկել է ութ ալբոմ, որոնցից շատերը դարձել են հիփ-հոփի և ալտերնատիվ ռոքի դասական օրինակներ։
