Ադրբեջանական 1news.az-ի փոխանցմամբ՝ Թուրքիայի վարչապետ Էրդողանը հայտարարել է, որ Իրանի վրա Իսրայելի հարձակվելու դեպքում տարածաշրջանը կհավասարվի հողին.
«Սեուլում ես նախագահ Բարաք Օբամային ասել եմ, որ Իրանի վրա Իսրայելի հարձակման դեպքում տուժելու են բոլոր երկրները: Մենք բոլորս պետք է քայլեր ձեռնարկենք տվյալ ուղղությամբ՝ դրանից խուսափելու համար:
Իրանի վրա Իսրայելի հարձակումը չի հանգեցնի ոչնչի, ինչպես որ Իրաքում ԱՄՆ-ի ռազմական միջամտության պարագայում է: Այդ տարբերակը պետք է ընդհանրապես բացառվի: Մեր տարածաշրջանն առանց այն էլ բարդ է, և արտաքին ուժերի միջամտությունը կարող է միայն խորացնել իրավիճակը:
Այս պլանում համընկնում են մեր և Իրանի մոտեցումները: Իրանը ներկայումս պատրաստ է իր միջուկային ծրագրի շուրջ բանակցություններ վարելուն և հասկանում է դրանց անհրաժեշտությունը»:
