Վատիկանը դատապարտել է Թուլուզի ահաբեկչությունը և ցավակցություն է հայտնել քաղաքի հրեա համայնքին: Այս մասին հայտնել է Վատիկանի ռադիոկայանը` հղում անելով Սուրբ գահի մամլո ծառայության ղեկավար, քահանա Ֆեդերիկո Լոմբարդիին:
Հիշեցնենք, որ երկուշաբթի առավոտյան անհայտ անձը մոտոցիկլետով մոտեցել էր Թուլուզում գտնվող հրեական քոլեջին և կրակ բացել ուսուցիչների, աշակերտների, ծնողների ուղղությամբ: Հարձակման հետևանքով մահացել էր երեք աշակերտ և մեկ ուսուցիչ:
Պաշտոնական հայտարարության մեջ Վատիկանի ներկայացուցիչն իր ցավակցությունն է հայտնել ահաբեկչության հետ կապված, որն անվանել է «սարսափելի գործողություն», որն առաջ է բերում «խորը վրդովմունք և արժանի է խիստ դատապարտման»:
Վատիկանի մամլո քարտուղարը՝ Թուլուզի կաթոլիկ արքեպիսկոպոսի հետ միասին, զոհերի ընտանիքներին «անկեղծ հոգևոր համերաշխություն է հայտնել»:
