«Առաջին լրատվականի» հետ զրույցում Երևանի քաղաքապետ Կարեն Կարապետյանի մամուլի խոսնակ Շուշան Սարդանյանն ասաց, որ Երևանի քաղաքապետարանում կատարվել են կադրային փոփոխություներ: Իրենց դիմումի համաձայն` աշխատանքից ազատվել են Երևանի գլխավոր ճարտարապետ Սամվել Դանիելյանը և քաղաքապետարանի աշխատակազմի քարտուղար Գրիգոր Մելքումյանը: «Ինչ վերաբերում է այդ պաշտոններում նշանակումների մասին, ասեմ, որ դա կարգավորվում է համայնքային ծառայության մասին օրենքով, համաձայն որի` ժամանակավոր թափուր պաշտոն առաջանալու դեպքում այդ պաշտոնը կարող է զբաղեցնել համայնքային ծառայության կադրերի ռեզերվում գտնվող համապատասխան պահանջները բավարարող անձը»,- նշեց մամուլի խոսնակը:
Մեր այն հարցին, թե լուրեր են շրջառնառվում, որ աշխատանքից ազատվելու դիմում են ներկայացրել Կենտրոն վարչական շրջանի ղեկավար Գագիկ Գյանջումյանը և և Շենգավիթ վարչական շրջանի ղեկավար Սարգիս Հովհաննիսյանը, մամլո խոսնակը հերքեց` ավելացնելով, որ այս պահին նման բան չկա:
