Արժույթի միջազգային հիմնադրամի նախկին տնօրեն Դոմենիկ Ստրոս-Կանը չորեքշաբթի օրն ազատ է արձակվել կալանքից։ Այս մասին հաղորդում է EFE-ն:
«Իշխանությունները նրան որևէ մեղադրանք չեն առաջադրել»,– հաղորդում է Интерфакс-ը: Այնուամենայնիվ, մոտ օրերս նա դատարանում պետք է վկայություն տա կավատության գործով:
Ստրոս-Կանը երեքշաբթի օրը ձերբակալվել էր Լիլ քաղաքում:
ԶԼՄ–ների տվյալներով՝ Ստրոս-Կանին կարող են մեղադրել կավատությամբ զբաղվող հանցավոր խմբավորման կազմում լինելու մեջ, որի համար նախատեսված է 20 տարվա ազատազրկում:
Հետաքննությունը գտնում է, որ Արժույթի միջազգային հիմնադրամի նախկին ղեկավարը տեղյակ է եղել, որ Փարիզի, Բրյուսելի և Վաշինգտոնի անառակ երեկույթները, որոնցում նա 2010 և 2011 թվականներին իր մասնակցությունն է ունեցել, ֆինանսավորվել են ձեռնարկությունների, այդ թվում՝ նաև շինարարական Eiffage ընկերության կողմից:
