«ԱԺ նախագահ Հովիկ Աբրահամյանի նշանակումը ՀՀԿ շտաբի ղեկավար բավական նուրբ իրավիճակ է ստեղծել այս կուսակցությունում»,- գրում է «Հրապարակ»-ը և հավելում.
«Մասնավորապես ՀՀԿ-ականները չեն կարողանում հասկանալ`ՀՀ նախագահ Սերժ Սարգսյանը վստահո՞ւմ Է Աբրահամյանին, թե՞ ոչ, նա այստեղ Է, որ ղեկավարի՞ կուսակցության շտաբի գործունեությունը, թե՞ սա աքսորավայր Է, որտեղ Աբրահամյանը պետք Է գտնվի մինչև խորհրդարանական ընտրությունների ավարտը, որպեսզի նրա գործունեությունը գտնվի մշտական հսկողության տակ:
Իրավիճակի նման անորոշությունը բազմաթիվ խնդիրներ Է առաջացնում: Մասնավորապես, այն ՀՀԿ-ականները, ովքեր պատասխանատու են որոշակի տարածքներում ընտրությունների կազմակերպման համար, ասում են, որ իրենք չգիտեն ում դիմել, երբ իրենց տարածքում ԲՀԿ- ն որոշակի ակտիվություն Է դրսևորում, որը կարող Է հետևանքներ ունենալ ընտրողների տրամադրությունների վրա:
Ընդհանրապես նման իրավիճակներում իրենք պետք Է խնդրի մասին տեղեկացնեն նախընտրական շտաբի ղեկավարին, որպեսզի վերջինս հակազդեցությանն ուղղված քայլեր ձեռնարկի: Սակայն Հովիկ Աբրահամյանի պարագայում իրենք չգիտեն ինչպես վարվել: Եթե կա կասկած, որ նա որոշակի առնչություններ ունի ԲՀԿ-ի հետ, ապա անտրամաբանական կլինի նրանից ակնկալել քայլեր ԲՀԿ-ի կողմից դրսևորվող ակտիվության դեմ:
Ընդհանրապես անորոշությունը և կասկածամտությունը չափազանց վտանգավոր են ցանկացած կառույցի համար, իսկ ընտրությունների պատրաստվող կառավարող կուսակցության համար՝ առավել ևս: Հենց այդ պատճառով, պատգամավորները և ընտրությունների համար պատասխանատու այլ անձինք հույս ունեն, որ սեփական ճամբարում անորոշությանն առաջիկայում վերջ կտրվի, և իրենք կիմանան, թե ովքեր են յուրայինները և ովքեր օտարները»:
