Ամերիկայում կրակել են զինվորի վրա, որը ծառայել է Աֆղանստանում և ծառայության ընթացքում մի քանի անգամ վիրավորվել, այդ թվում նաև`մահապարտ ահաբեկչի պայթյունի պատճառով: Պատահարը տեղի է ունեցել նրա վերադարձին նվիրված հավաքույթի ժամանակ:
22-ամյա Քրիստոֆեր Սուլիվանի վրա կրակել են, երբ նա փորձել է բաժանել կռվի մեջ մտած եղբորը և ինչ-որ մարդու:
Տղայի ընտանիքի անդամներն հայտնում են, որ զինվորը անդամալուծվել է, և բժիշկները նրա վիճակը համարում են ծայրահեղ:
Նրա մայրը` Սյուզան Սուլիվանը, ասել է. «Իմ տղան արժանի չէր սրան, նա ծառայել է իր երկրին»:
Ինչպես հաղորդում է Associated Press-ը, Սուլիվանին կրակողը դեռևս ազատության մեջ է:
