News Georgia-ի փոխանցմամբ՝ Վրաստանի նախագահ Միխեիլ Սաակաշվիլին այսօր մեկնել է Լեհաստան, ուր մասնակցելու է Եվրոպական զարգացման օրերին նվիրված միջոցառումներին։ Այս մասին նշված է Սաակաշվիլիի Facebook-յան էջում։
Նշվում է, որ Վարշավայում Եվրոպական զարգացման օրերի միջոցառումները տեղի են ունենալու դեկտեմբերի 15-16-ին։ Կազմակերպչի դերում հանդես է եկել Եվրահանձնաժողովը։
Պլանավորված է, որ Սաակաշվիլին ելույթ է ունենալու այնտեղ։ Միջոցառումներին մասնակցում են համաշխարհային առաջնորդներ և միջազգային քաղաքական արենայի կարևոր ֆիգուրներ։
Հիշեցնենք, որ Եվրոպական զարգացման օրերն անցկացվում են ամեն տարի՝ սկսած 2006 թվականից։ Նախորդ 5 դեպքերում դրանց մասնակցել են 36 նախագահներ, 60 վարչապետեր ու նախարարներ, ինչպես նաև Նոբելյան մրցանակի դափնեկիրներ։ Նախորդ տարի Բրյուսելում տեղի ունեցած միջոցառումներին, ընդհանուր առմամբ, մասնակցել է 5000 մարդ։
