«CNN»-ը հաղորդում է, որ Ռուսաստանը Պերուի քաղաքացիների է հավաքագրում աշխատանքի անվան տակ։
Սոցիալական ցանցերի և տեղական միջնորդների միջոցով պերուացիներին խոստացել են բարձր աշխատավարձեր, բոնուսներ, Ռուսաստանի քաղաքացիություն ստանալու հնարավորություն և աշխատանք՝ որպես խոհարար, անվտանգության աշխատակից կամ վարորդ։
Սակայն, ըստ «CNN»-ի հետաքննության, ժամանելուց հետո շատերը ստորագրել են ռազմական պայմանագրեր և մեկնել ռազմաճակատ։
Նորեկների հարազատները պատմել են, որ տղամարդիկ առաջնագծից կապ են հաստատել իրենց հետ՝ ուղարկելով զինվորական համազգեստով լուսանկարներ և մարտական պատմություններ, ինչից հետո շատերը դադարել են արձագանքել։
Որոշ ընտանիքներ արդեն ստացել են իրենց հարազատների մահվան մասին հաղորդագրություններ։
