Meta-ի խելացի ակնոցը՝ Ray-Ban Meta-ն, դարձել է գաղտնիության լուրջ քննարկումների պատճառ, չնայած դրանց վաճառքը արագ աճում է։ Խնդիրը նրանում է, որ ակնոցը ունի թաքնված տեսախցիկ և հեշտ է օգտագործվում գաղտնի նկարահանման համար։ BBC-ի տվյալներով՝ որոշ մարդիկ դրանք օգտագործում են առանց մարդկանց համաձայնության՝ հատկապես կանանց նկարահանելու և տեսանյութերը համացանցում տարածելու համար։
Քանի որ հանրային վայրերում նկարահանումը հիմնականում օրինական է, զոհերը հաճախ չեն կարողանում իրավական պաշտպանություն ստանալ։ Երբեմն նույնիսկ պահանջները՝ ջնջելու տեսանյութերը, մերժվում են։ Չնայած քննադատությանը, Meta-ի ակնոցը շատ տարածված է՝ արդեն վաճառվել է ավելի քան 7 միլիոն զույգ։ Դրանք ստեղծվել են EssilorLuxottica-ի հետ և ունեն սովորական Ray-Ban տեսք, բայց ներառում են տեսախցիկ, բարձրախոսներ և AI ֆունկցիաներ։
