Ղրղզստանի նախկին նախագահ Ալմազբեկ Աթամբաևին զրկել են պետական պարգևներից։ Հրամանագիրը ստորագրել է պետության ներկայիս ղեկավար Սադիր Ժապարովը և հրապարակվել նախագահի կայքում։
Աթամբաևը զրկվել է հանրապետության բարձրագույն պարգևից՝ «Ղրղզստանի Հանրապետության մեծագույն պատիվից», Մանասի 2-րդ աստիճանի շքանշանից, «Դանակեր» շքանշանից և «Դանք» մեդալից։ Ժապարովը նաև չեղյալ է հայտարարել այդ պարգևները նախկին նախագահին շնորհելու հրամանագրերը։
Իրավապահ մարմիններին հանձնարարվել է բռնագրավել դրանք՝ հետագայում պետական պարգևների հիմնադրամ փոխանցելու համար։
Աթամբաևը Ղրղզստանի նախագահ է եղել 2011 թվականի դեկտեմբերից մինչև 2017 թվականի նոյեմբերը։
2020 թվականին նա դատապարտվել է 11 տարի և երկու ամիս ազատազրկման, դատավճիռը հետագայում չեղյալ է հայտարարվել, և գործը ուղարկվել է նոր դատաքննության։
2023 թվականին Աթամբաևն ազատ է արձակվել բանտից և թույլատրվել է մեկնել արտասահման՝ բուժման համար։ Ներկայումս նա գտնվում է արտասահմանում։
2025 թվականի հունիսին Աթամբաևը հեռակա կարգով դատապարտվել է 11,5 տարվա ազատազրկման՝ գույքի բռնագրավմամբ և պետական պարգևների կորստով, երեք քրեական գործերով՝ Կոյ-Տաշ գյուղում հողամասերի ապօրինի ձեռքբերման, ապօրինի հարստացման և 2019 թվականի օգոստոսին Կոյ-Տաշ գյուղում տեղի ունեցած անկարգություններին մասնակցելու վերաբերյալ։
