Ադրբեջանական Trend լրատվական գործակալության փոխանցմամբ՝ Բաթումի շրջանի Բարցխանա գյուղում ծորակներից, ջրի հետ մեկտեղ, հոսում է նաև նավթ։ Դա տեղի է ունեցել ջրամատակարարման երկօրյա դադարեցման վերականգնումից հետո։
Նավթի ու ջրի խառնուրդը հայտնվել է նաև տեղի մանկապարտեզում։ Գյուղացիները նշում են, որ հուլիսի 17-ց սկսած այդ երևույթը կրկնվում է ամեն անգամ, երբ ինչ-որ ժամանակով դադարեցվում է ջրամատակարարումը։
Կարծիքներ կան, որ ջրամատակարարման դադարեցման պարագայում նավթամթերքն ընկնում է ջրամատակարարման համակարգի մեջ։ Սակայն Բաթումի նավթային տերմինալում հերքում են տեղի ունեցածում իրենց պատասխանատվությունը՝ ընդգծելով, որ նավթամուղն իրենց չի պատկանում, և որ այն չի անցնում տերմինալի տարածքով։
Նշվում է, որ խնդիրը լուծվելու է 5 ամսվա ընթացքում։
Հիշեցնենք, որ վերջին անգամ այս երևույթը Բարցխանայում գրանցվել էր այս տարվա սեպտեմբերի 4-ին։
