ՀՀ վարչապետ Նիկոլ Փաշինյանն անդրադարձել է էլեկտրոնային եղանակով ծանուցումների համակարգի ներդրմանը․
«Մենք այսպիսով կգեներացնենք էլեկտրոնային հասցեների բանկ։ Թվային ծանուցումներ կանենք, որ պարկերով մակուլատուրան այստեղից այնտեղ տանելու գործառույթը չլինի։ Ի վերջո, 21-րդ դարն է․ ամո՛թ է: Մենք միլիարդներ ենք ծախսում թուղթ պրինտ անելու և թուղթը մարդկանց հասցնելու կամ դռների արանքը մտցնելու համար, որը բացարձակ 21-րդ դարի գործառույթ չի»,- ասել է նա:
ՀՀ արդարադատության նախարար Գրիգոր Մինասյանն էլ ասել է, որ տարեկան 3 միլիարդ դրամ է բյուջեից ծախսվում պետական հաստատությունների ծանուցումների համար. «Ամենաշատ ծախսը դատարաններն են անում, ապա՝ ՃՈ-ն, մեկ միլիարդ դրամ էլ բաշխվում է բոլոր գերատեսչություններին»:
