ԱՄՆ Սենատը մտադիր չէ քննարկել հանրապետականների կողմից առաջարկված Իսրայելին օգնության մասին օրենքի նախագիծը, որտեղ չի հիշատակվում Ուկրաինան, և մտադիր է փոխարենը ներկայացնել իր երկկուսակցական նախաձեռնությունը, այսօր՝ նոյեմբերի 2-ին, հայտարարել է Կոնգրեսի վերին պալատի դեմոկրատական մեծամասնության առաջնորդ Չակ Շումերը։
«Սենատը չի քննարկի Ներկայացուցիչների պալատի Հանրապետական կուսակցության թերի առաջարկը: Փոխարենը, մենք կաշխատենք մեր սեփական երկկուսակցական շտապ օգնության փաթեթի վրա, որը ներառում է աջակցություն Իսրայելին, Ուկրաինային, Չինաստանի հետ մրցակցության միջոցները և մարդասիրական օգնություն Գազայի բնակչությանը, որը նրանց խիստ անհրաժեշտ է»,- ասել է Շումերը Սենատի աշխատանքային նիստի ժամանակ։
Հիշեցնենք, որ ավելի վաղ Ներկայացուցիչների պալատի հանրապետականները օրինագիծ էին ներկայացրել Իսրայելին մոտ 14,3 միլիարդ դոլարի օգնություն տրամադրելու մասին, սակայն օրինագիծը չի ներառում Ուկրաինային օգնության դրույթ: Սպիտակ տունն արդեն կտրականապես մերժել է այս նախաձեռնությունը։ Նախագահ Ջո Բայդենը նշել է, որ վետո կդնի օրինագծի վրա, եթե այն համաձայնեցվի ներկայիս տեսքով:
