Նովոռոսիյսկ քաղաքում հետաքննություն է սկսվել Հայաստաանի մի քաղաքացու նկատմամբ, որին կասկածում են մեկ այլ հայի` 45-ամյա Արմեն Վանենցյանի նկատմամբ իրականացված մահափորձի մեջ: Այս մասին հաղորդում է Rosbal գործակալությունը:
Կրասնոդարի երկրամասի ոստիկանությունում գործակալությանն ասել են, որ Արմեն Վանենցյանը նախօրեին զբոսնելիս է եղել իր տնից ոչ հեռու` ձեռնափայտերով, քանի որ բուժում է ստանում իր նկատմամբ իրականացված մահափորձից հետո: Տղամարդուն ուղեկցել են նրա ծանոթն ու հարևանը:
Այդ պահին նրան է մոտեցել մի անծանոթ մարդ, որի ձեռքում եղել է մարզական պայուսակ և խլացուցիչով ատրճանակ: Վանենցյանն այս անգամ էլ չի մահացել հասցված հրազենային վնասվածքից: Իսկ մահափորձն իրականացնող երիտասարդն ընկել է մեքենայի տակ, որից հետո ձերբակալվել է: Պարզվել է, որ դա ՀՀ 38-ամյա քաղաքացի է: Որոշում է կայացվել նրա ձերբակալության մասին:
