ԱՄՆ Սենատը քվեարկել է Բրիջիթ Բրինքին Ուկրաինայում դեսպան նշանակելու օգտին։ Նրան այս պաշտոնում առաջադրել է նախագահ Ջո Բայդենը։ Բրիքը արդեն հունիսին աշխատանքի կանցնի Կիևում։ 2019-ից Բրիջիթ Բրինքը ղեկավարում է Սլովակիայում ԱՄՆ դեսպանատունը, 2011-15թթ․ փոխդեսպան է եղել Ուզբեկստանում, ապա՝ Վրաստանում։
Ուկրաինայում երեք տարի ԱՄՆ դիվանագիտական ներկայացուցիչ չի եղել։ 2019 թվականի մայիսին Դոնալդ Թրամփը ետ կանչեց Բարաք Օբամայի օրոք նշանակված Մարի Յովովիչին՝ մեղադրելով նոր վարչակազմին անհավատարմության մեջ։
Ռուս-ուկրաինական պատերազմի բռնկմամբ՝ ԱՄՆ-ն Կիևից հեռացրեց իր բոլոր աշխատակիցներին։ Այժմ դեսպանատունը վերադառնում է։ Չորեքշաբթի օրը ամերիկյան դեսպանատունը վերսկսել է աշխատանքը Ուկրաինայի մայրաքաղաքում։
