«Պատիվ ունեմ» խորհրդարանական խմբակցության ղեկավար, ԱԱԾ նախկին պետ Արթուր Վանեցյանը Հարության տոնի երեկոյան հայտարարեց, թե եկել է Ազատության հրապարակ ու մնալու է այնտեղ՝ Արցախի շուրջ ստեղծված կրիտիկական իրավիճակի պատճառով, կոչ անելով միանալ իրեն և փրկել Արցախը հանձնումից: Արթուր Վանեցյանին առայժմ միացել են առավելապես թիմակիցները: Թեմայի շուրջ «Առաջին լրատվական»-ը զրուցել է Արդար Հայաստան կուսակցության նախագահ Նորայր Նորիկյանի հետ:
Վերջինիս տպավորությամբ` անծրագիր, բովանդակազուրկ մարդկանց կազմակերպած միջոցառում է. «Անհասկանալի է Ազատության հրապարակի օրակարգը` ինչ պետք է անեն իրենք, որ չի անում Փաշինյանը:Այս որակով հավակնել դառնալ հաջորդ իշխանությունը ՀՀ քաղաքացու համար վիրավորական է»:
