Ֆրանսիայի արտաքին գործերի նախարար Ժան-Իվ Լը Դրիանը հայտարարել է, որ հավատում է Ռուսաստանի հետ պատերազմում Ուկրաինայի հաղթանակին։ Այս մասին France 5 հեռուստաալիքի եթերում հայտարարել է Ֆրանսիայի ԱԳՆ ղեկավարը, մեջբերում է DW-ն։
«Ես հավատում եմ, որ Ուկրաինան կհաղթի: Տասը օրվա ընթացքում ամենաշատը զարմացնում է Ուկրաինայի այնպիսի մասշտաբների դիմադրությունը, որ փորձագետները չէին կարող պատկերացնել»,- ասել է Լը Դրիանը։
Նախարարը նշել է, որ պատերազմի գինը Ռուսաստանի համար կդառնա անտանելի։
«Նախագահ Պուտինը ինչ-որ պահի կկանգնի ընտրության առաջ՝ կամ էական հետևանքներ ստանալ Ռուսաստանի համար, կամ սկսել բանակցություններ»,- հավելել է նա։
Լը Դրիանը վստահություն է հայտնել, որ Ռուսաստանի դեմ արևմտյան պատժամիջոցները երկարաժամկետ հեռանկարում կզսպեն Պուտինին հետագա ագրեսիայից։
