Եվրամիությունը պարտավորվում Է ընդունել ուկրաինացի փախստականներին ՌԴ-ի ռազմական գործողության ֆոնին եւ քաղաքական, ֆինանսական եւ հումանիտար աջակցություն տրամադրել ուկրաինացիներին: Այդ մասին, մարտի 2-ին հայտարարել Է Եվրախորհրդի ղեկավար Շառլ Միշելը՝ Ժեշուվի օդանավակայանում կայացած մամուլի ասուլիսում:
«Անշուշտ, ներկայիս իրադրությունը չափազանց հիվանդագին Է, բարդ ուկրաինացիների համար, եւ մենք ինչպես երբեք պետք Է լինենք ուկրաինացիների հետ միասին: Մենք պետք Է ողջունենք նրանց, մենք նրանց կընդունեք, մենք կապահովենք ուկրաինացի ժողովրդի արժանապատվությունը, եւ մենք կգործադրենք բոլոր հնարավոր ջանքերը, որպեսզի աջակցություն ցույց տանք Ուկրաինային՝ քաղաքական, ֆինանսական եւ հումանիտար: Դա մեր քաղաքական եւ բարոյական պարտքն Է»,- հայտարարել Է Եվրախորհրդի ղեկավարը: Ավելի վաղ Եվրահանձնաժողովը հայտարարել Է Ուկրաինայից փախստականների ընդունման համար պաշտպանության հատուկ մեխանիզմի ակտիվացման մասին, հաղորդել Է ՏԱՍՍ-ը:
