ԱՄՆ-ն է համոզել Իսրայելին հրաժարվել Գազայի հատվածում ցամաքային ռազմական օպերացիայից։ Այս մասին հայտնում է Politico պարբերականը՝ հղում անելով վաշինգտոնյան վարչակազմի աղբյուրներին։
Համաձայն Պաղեստինի առողջապահության նախարարության վերջին տվյալների՝ զոհերի թիվը հասել է 237-ի։ Նրանցից ավելի քան 60-ը երեխաներ են։ Իսրայելական կողմից զոհվել է առնվազն 12 մարդ։
Մայիսի 10-ից՝ հակամարտության սրումից ի վեր Գազայի հատվածից Իսրայելի ուղղությամբ արձակվել է մոտ 3700 հրթիռ, մոտ 540-նն ընկել են անկլավի տարածքում։ Այս մասին հայտնում է Իսրայելի բանակի՝ ՑԱԽԱԼ-ի մամուլի ծառայությունը։
«Երկաթե գմբեթ» հակաօդային պաշտպանության համակարգի աշխատանքի արդյունավետությունը կազմում է մոտ 90 տոկոս։
Կողմերի միջև հրթիռակոծությունները շարունակվում են։ ՄԱԿ-ի տվյալներով՝ հակամարտության հետևանքով ավելի քան 50 հազար պաղեստինցի զրկվել է տանիքից։
