Հարավային Կորեայի (ՀԿ) նախագահ Մուն Չժե Ինը այս շաբաթ հնգօրյա ուղեւորություն կկատարի ԱՄՆ, որի ընթացքում հանդիպում կունենա Միացյալ Նահանգների նախագահ Ջո Բայդենի հետ:
Երկու ղեկավարների գագաթնաժողովը կկայանա (տեղական ժամանակով) մայիսի 21-ին, Սպիտակ տանը: «Բարձր մակարդակով բանակցություններից անմիջապես հետո (երկու ղեկավարները) պլանավորվում են անցկացնել համատեղ մամուլի ասուլիս»,-հաղորդել Է ՀԿ-ի նախագահի վարչակազմի՝ հասարակայնության հետ կապերի գծով ավագ քարտուղար Չոն Ման Հոն: Նա նշել Է, որ Հարավային Կորեայի նախագահը պլանավորում Է ԱՄՆ-ի մայրաքաղաք ուղեւորվել մայիսի 19-ի ցերեկը: Մայիսի 20-ի առավոտյան նա մտադիր Է այցելել Առլինգթոնի ազգային գերեզմանատուն: Օրվա երկրորդ կեսին Մուն Չժե Ինը կայցելի Կապիտոլիումի բլուր, որտեղ հանդիպում կունենա Ներկայացուցիչների պալատի խոսնակ Նենսի Փելոսիի հետ: Հաջորդ օրը ՀԿ-ի նախագահը կհանդիպի ԱՄՆ-ի փոխնախագահ Քամալա Հարիսի հետ, որից հետո տեղի կունենան նրա բանակցությունները Ջո Բայդենի հետ:
Հարավային Կորեայի նախագահը պետք Է Սեուլ վերադառնա մայիսի 23-ի երեկոյան: Ինչպես հաղորդվել Է ավելի վաղ, գագաթնաժողովի ընթացքում Մուն Չժե Ինը եւ Բայդենը կհաստատեն երկու երկրների դաշինքի հաստատունությունը եւ կքննարկեն մի շարք հարցեր, այդ թվում՝ ԿԺԴՀ-ի միջուկազերծումը: Մուն Չժե Ինը հայտարարել Է, որ ակնկալում Է ԿԺԴՀ-ի շուտափույթ արձագանքը Հյուսիսի եւ Հարավի միջեւ, ինչպես նաեւ Փհենյանի ու Վաշինգտոնի միջեւ դադարեցված խաղաղ գործընթացի վերսկսման վերաբերյալ առաջարկությանը, հաղորդել Է «Ինտերֆաքս»-ը:
