Ամերիկյան Stratfor անկախ հետազոտական կենտրոնը Թուրքիայի վերաբերյալ նոր ուսումնասիրություն է հրապարակել: Կենտրոնը կանխատեսում է, որ Թուրքիան առաջիկա տարիներին կդառնա տարածաշրջանի ամենաազդեցիկ երկրներից մեկը, ինչն ապացուցվեց համաշխարհային ճգնաժամի ընթացքում այդ երկրի ցուցադրած արդյունքով: Սա կհանգեցնի արտաքին քաղաքական նոր դաշինքների ձևավորմանը, ինչպես նաև ներքին սոցիալական լարվածության մեծացմանը:
Անդրադարձ կա նաև իսլամի դերակատարությանն այդ երկրում: Ըստ կենտրոնի` իսլամն ավելի մեծ դերակատարություն է սկսել ունենալ շատ թուրքերի կյանքում, և անհրաժեշտ է Թուրքիայի բնակչության կրոնական տարբեր շերտեր ինտեգրել հասարակության մեջ: Դա հաջողությամբ իրականացնում է գործող վարչակազմը` «Արդարություն և զարգացում» կուսակցության ղեկավարությամբ, որի նպատակներից են նաև եվրոպականացումը և արդիականացումը:
