«Ժամանակ» թերթը գրում է․Իշխանությունները մտադիր են աշնանը խոշորացնել Արագածոտնի, Արարատի, Արմավիրի, Կոտայքի, Լոռու, Շիրակի մարզերի 186 համայնքներ, որոնց միավորման արդյունքում կմնա 11 համայնք: «Տեղական հանրաքվեի մասին» օրենքով համայնքի բնակիչները իրավունք ունեն նախաձեռնել հանրաքվե և դրա արդյունքում հրաժարվել խոշորացումից: Իշխանությունն էլ նախաձեռնել է «Տեղական հանրաքվեի մասին» օրենքում այնպիսի փոփոխությունների իրականացում, որը, ըստ էության, անհնարին կդարձնի նման հանրաքվեի կազմակերպումը: Մասնավորապես, օրենքում փոփոխվում և փոքրացվում են հանրաքվեի կազմակերպման համար նախատեսված ժամկետները»:
