Անհետ կորած զինվորների ծնողներին Պն-ից խնդրել են սպասել ևս երկու օր

Անհետ կորած զինծառայողների հարազատները կրկին Պաշտպանության նախարարության շենքի առջև էին, հանդիպում էին պահանջում նախարարի հետ։

Զինծառայողներին հանդիպեց նախարարության ներկայացուցիչը, տեղեկացրեց, որ զբաղվում են խնդրով և 2 օրվա ընթացքում պատասխաններ կտան։ Ծնողները տեղեկացրեցին, որ կսպասեն։

«Մենք կսպասենք մինչև վաղը չէ մյուս օրը ու արդեն ինձ թվում է մենք հաստատ պատասխան կունենանք ու բողոքելու տեղ չենք ունենա»,- նշեց ծնողներից մեկը։

Ծնողները նույնիսկ չեն բարձրաձայնել այն հարցը, թե ինչու՞ նախարարի հետ հանդիպում տեղի չունեցավ։

Հիշեցնենք, որ անհետ կորած զինծառայողների ծնողները երկու շաբաթ է պահանջում են որոնողական աշխատանքներ իրականացնել ու վերադարձնել իրենց զավակներին, սակայն հստակ պատասխան որևէ գերատեսչությունից չեն ստացել։