Ներքաղաքական որոշ զարգացումներ թույլ են տալիս ենթադրել, որ տեղի է ունենում բաց առճակատում քաղաքական մեծամասնության և նրանց ընդդիմախոսների միջև, և բանը հասավ անգամ կոմպրոմատների կիրառությանը: Ուշագրավ է հանրային բավականին ակտիվ արձագանքը, որը կարելի է որակել որպես հեղափոխական տրամադրությունների վերականգնում:
Թեմայի շուրջ «Առաջին լրատվական»-ի հետ քննարկմանը մասնակցեցին գերագույն խորհրդի նախկին պատգամավոր Ազատ Արշակյանը, ԱԺ պատգամավոր Հովիկ Աղազարյանը, «Անտարես» հրատարակչության պատգամավոր Արմեն Մարտիրոսյանը:
Ազատ Արշակյանի դիտարկմամբ՝ վիրավորվածության մեծ տարր կա հասարակության արձագանքի մեջ. «Վիրավորվածություն, որովհետև ակնհայտ ճշմարտություններ և վարքագծի հատուկ կանոններ կան՝ աղետի ժամանակ զինադադար է հայտարարվում, չի կարելի աղետի, պատերազմի ժամանակ թուլացնել հրամանատարության թիկունքը: Հիմա Հայաստանի դեմ կենսաբանական պատերզամ է, ակնհայտորեն ջախջախված քաղաքական ուժերը՝ լուսանցքային ուժերը, առիթից օգտվում են»:
Հովիկ Աղազարյանը նշեց, որ ԲՀԿ-ն կարծում է, թե, կորոնավիրուսով պայմանավորված, իշխանությունների վարկանիշը անկում է ապրում, և կարող է իշխանությանը հարված հասցնել այլ ուժերի հետ, որոնց նպատակը իշխանության գալն է:
«Ժողովուրդը մի լավ խոսք ունի՝ լրբի շառ. լրբաշառը պետք է կարողանալ տարբերակել առողջ քննադատությունից,- նշեց Արմեն Մարտիրոսյանը,- ցանկացած իշխանություն քննադատության կարիք ունի, դա անվճար խորհրդատվություն է: Այն, ինչ ուզում են սարքել մեր հեղափոխության, մեր իշխանության գլխին քննադատություն չէ: Ես չէի ուզենա, որ իմ պետության մեջ կոմպրոմատներով իրար հետ խոսեն… Մարդիկ, որոնք ինչ-որ ժամանակ ղալաթներ են արել, չպետք է զբաղվեն քաղաքականությամբ… Քաղաքականությունը մաքուր տեղ է, բայց քաղաքականություն մտել են պոռնիկները նույնպես… Քաղաքականություն են մտել շատ կեղտոտ մարդիկ ու անընդհատ պղտորում են դաշտը»:
Մանրամասն՝ տեսանյութում:
