Այսօր սլաքներն աչքերի դիմահարդարման ամենանորաձև տարրն են համարվում: Հետաքրքիր է, որ դրանց արմատները դեռ հին դարերում են: 7days.ru –ն պատմում է, թե ով և ինչի համար է սկսել աչքերին սլաքներ ներկել և թե ինչպես են դրանք ձևափոխվել ժամանակի ընթացքում:
1. Սլաքները Հին Եգիպտոսում
Դրանց մասին առաջին հիշատակումները կապում են Կլեոպատրայի հետ, ով սլաքներն օգտագործել է ոչ միայն գեղեցկության այլև աչքերը պաշտպանելու նպատակով: Այն ժամանակ կոսմետիկան ծեսերի հետ էր կապված և հատուկ նշանակություն ուներ ինչպես իրական, այնպես էլ անդրշիրիմյան կյանքի համար: Հին Եգիպտոսում կարծում էին, որ սլաքները մարդու մահվանից հետո նրան մոտեցնում էին աստվածներին:
Սլաքներ օգտագործում էին ինչպես կանայք, այնպես էլ տղամարդիկ: Հատուկ բաղադրությամբ պատրաստված մածուկն օգտագործվում էր նաև հակաբակտերիալ նպատակներով:
Կլեոպատրան ինքը գրաֆիկական սլաքներ էր նախընտրում, որոնք ընդգծում էին նրա իշխող կերպարը, որն էլ հետագայում բազմիցս ցուցադրվել է կինոյում:
2. Սլաքները 1920-ականներին
1920-ականներին տեղի է ունեցել հնէաբանական ամենամեծ իրադարձություններից մեկը՝ Թութանհամոնի դամբարանի հայտնաբերումը, որի հետ էլ կապում են սլաքների «վերադարձը»: Դրանից բացի, կանայք այդ ժամանակ ավելի անկախ են եղել և սկսել են կոսմետիկա օգտագործել:
Այդ ժամանակների նորաձևության տիպարներից մեկը՝ ֆրանսիացի դերասանուհի Ժոզեֆինա Բեյքերը միշտ անսովոր լայն սլաքներ էր գծում, որոնք լրացնում էր արհեստական թարթիչներով:
3. Սլաքները 1930-ականներին
30-ականներին սլաքները մեծ տարածում գտան: Դրանք Լուիզա Բրուքսի, Մարլեն Դիտրիխի, Ռիտա Հեյվորտի, Լանա Թերների և Հոլիվուդյան շատ գեղեցկուհիների դիմահարդարման անքաքտելի մասն էին կազմում:
Այդ տարիներին լայն գծերին փոխարինել են ավելի նեղ սլաքները, որոնք հայացքն ավելի գրավիչ են դարձրել, իսկ աղջիկներին ավելի կանացի և սեքսուալ: Այդ ժամանակվա գեղեցկուհիները ընդգծում էին միայն վերևի կոպը՝ սլաքները թարթիչների արմատներին մոտ դնելով:
4. Սլաքները 1940-ականներին
Պատերազմի տարիներին կանայք կոսմետիկա գրեթե չէին օգտագործում և հազվադեպ էին ընդգծում աչքերը:
Առաջին համաշխարհային պատերազմի տարիներին ապրանքների պակասը հանգեցրել էր նրան, որ աչքերի համար նախատեսված մատիտը կանայք այլ նպատակներով էին օգտագործում: Այն տարիներին նրանք կարճ կիսաշրջազգեստներ և ժակետներ էին կրում, իսկ ահա մետաքսե զուգագուլպաներ ձեռք բերել չէին կարողանում: Այդ պատճառով էլ նրանք ոտքերի հետևի մասերում գծեր էին նկարում՝ ձևացնելով, թե դրանք զուգագուլպաների կարեր են:
5. Սլաքները 1950-ականներին
50-ականներին ստեղծվել են առաջին հեղուկ լայներները, դրանց հետ միասին ի հայտ են եկել «կատվային սլաքները», որոնք մի փոքր վեր են թեքված: Առաջինը դրանք ցուցադրել է Բրիջիտ Բարդոն, ում պաշտամունքային կերպարը մինչև այժմ էլ ամենասեքսուալներից է համարվում: Դրանց շնորհիվ արքերն ավելի մեծ են թվում, իսկ հայացքն ավելի արտահայտիչ:
6. Սլաքնեը 1960-70-ականներին
50-ականների սեքսուալ սլաքները մի քանի տարի անց շատ փոփոխվել են՝ գծերն ավելի լայն և գրաֆիկական են դարձել, իսկ կանայք հաճախ են փորձարկել դրանց տարբեր ձևերն: Օրինակ, այդ տարիների գեղեցկության տիպար Էվիգին իր սեփական «տիկնիկային» դիմահարդարումն է ստեղծել, որն էլ սկսել են պատճենահանել բոլոր աղջիկները: Բացի վերևի կոպից ներկվել են նաև ներքևի կոպի թարթիչների արմատները: Այդ հնարքը նույնպես մեծացրել է աչքերը: Իսկ 70-ականներին այդքան վառ սլաքներին փոխարինելու եկան ավելի բնական՝ «հիփի» ոճի սլաքները:
7. Սլաքները 1980-90-ականներին
80-ականներին տարածված «դիսկո» ոճը առանց վառ դիմարահարդարման անիմաստ էր: Այդ տարիներին աչքերը ընդգծելը շատ նորաձև էր, իսկ աղջիկներն իրենց ոճը ընդգծելու համար նեոնային վառ երանգների ստվերաներկեր էին օգտագործում:
Սակայն 90-ականներին կրկին հաղթեց բնական ոճը: Կլաուդիա Շիֆերը, Էլ Մաֆերսոնը, Սինդի Քրոուֆորդը և այլ գեղեցկուհիներ տարածեցին բնական՝ դարչնագույն երանգների դիմահարդարումը: Սակայն դա կարճ տևեց, քանի որ սլաքները շուտով վերադարձան և մինչև հիմա էլ արդիական են մնում:
8. Սլաքները 2000-ականներին
Այսօր սլաքները դիմահարդարման ամենանորաձև և տարածված տարրն են համարվում, քանի որ հայացքն ավելի արտահայտիչ և սեքսուալ են դարձնում: Գեղեցկուհիները չեն վախենում փորձել տարբեր ոճերի սլաքները:
