Տարածաշրջանային էսկալացիայի հաջորդ օջախը Թուրքիան է լինելու: Այս մասին այսօր լրագրողների հետ հանդիպման ժամանակ ասաց Աշոտ Մանուչարյանը՝ խոսելով ուկրաինական իրադարձություններով պայմանավորված տարածաշրջանային հնարավոր զարգացումների շուրջ: Նա ակնարկեց, որ գուցե Թուրքիայում ևս զարգացումների նույն մոդելը կիրառվի, ինչ Ուկրաինայում, թեև սցենարները դեռևս հստակ չեն:
Այս համատեքստում, բանախոսի համոզմամբ, կարևոր է ոչ թե ԼՂ-ն, որը որևէ խնդիր չի առաջացնելու, այլ Նախիջևանը: «Մենք այսօր մեր դաշնակիցների՝ ՌԴ-ի ու Իրանի հետ, պետք է բանակցենք Նախիջևանի հետ կապված»,- ասաց նա։
Աշոտ Մանուչարյանի կարծիքով՝ ԼՂ-ի մասին խոսելիս պետք է նկատել, որ եթե Ադրբեջանն այժմ նույնիսկ մեկ առիթ էլ տա, ապա Ռուսաստանն սկսելու է գործել: Նրա համոզմամբ՝ Ադրբեջանը պարզապես պետք է լռի:
Ի՞նչ կլինի հարավարևելյան Ուկրաինայի ճակատագիրը հարցին Աշոտ Մանուչարյանը պատասխանեց, որ ՌԴ-ն չի կարող թույլ տալ, որ ՆԱՏՕ-ն այնտեղ ռազմական որևէ օբյեկտ տեղակայի:
Լուսանկարը՝ Photolure-ի
