Այսօր՝ ապրիլի 18-ին, Ազգային ժողովում շարունակվում են աշխատանքները: Այժմ քննարկվում է ՀՀ Հանրային ծառայությունները կարգավորող հանձնաժողովի նախագահի ընտրության հարցը: Վարչապետ Փաշինյանը այդ պաշտոնում առաջարկել է Գարեգին Բաղրամյանի թեկնածությունը:
«Լուսավոր Հայաստան» խմբակցության պատգամավոր Գևորգ Գորգիսյանը իր ելույթում հայտարարեց. «Մի՞թե երկրում չկան պրոֆեսիոնալներ, որոնք չեն եղել հին համակարգում թաթախված էն հին խնդիրների մեջ, որոնց դեմ անընդհատ պայքարել ենք: Կարծում եմ՝ կան նման մարդիկ»:
Նա նշեց, որ պարոն Բաղրամյանի կենսագրությունն ուսումնասիրելուց հետո տեսել է ազգակցական կապ պարոն Վանեցյանի հետ. «Եթե մենք այսպես ենք կողմնորոշվում, ուրեմն լավ տեղ չենք գնում. մենք տեսել ենք խնամի-ծանոթ-բարեկամ բերել-դնելը ուր է տանում»:
Գևորգ Գորգիսյանի խոսքով՝ Բաղրամյանն ունի այն բոլոր փորձերը, որոնք միշտ թիրախավորում է մեծամասնությունը՝ կոռուպցիայի, թալանի, հին համակարգի ռեժիմում եղած լինելու փորձ. «Գիտեմ, որ նա կընտրվի, թեև չեմ հասկանում այն մոտիվացիան, որով դուք պատրաստ եք ընտրել պարոն Բաղրամյանին»:
Մանրամասները՝ տեսանյութում:
