Մենք ընդունեցինք ընտրության արդյունքները` հաշվի առնելով, որ ժողովրդի կամքն անքննելի է, բայց չենք կարող չահազանգել այն վտանգների մասին, որ մեր առջև ծառացած են: Այս մասին լրագրողների հետ զրույցում նշեց «Սասնա ծռեր» կուսակցության համահիմնադիր Վարուժան Ավետիսյանը:
«Ո՛չ Մարտի 1-ին կոալիցիայի մաս կազմած ուժերը՝ այդ թվում ԲՀԿ-ն, ոչ էլ իր ամբողջ գոյության ընթացքում ընդամենը ձևական ներկայություն ապահոված ուժերը, որոնք բոլոր հարմար առիթների դեպքում ծռմռվում են իշխանությունների առաջ, ֆոտոսեսիաներ են անում, ուղղակի օդ են տատանում, որպեսզի ընդդիմության տպավորություն ստեղծեն, չեն կարող լինել ընդդիմություն: Ասածիս մեջ դուք շատ շուտով կհամոզվեք, պետք է նկատի ունենանք, որ եթե մեկը ուղիղ օլիգարխիկ ուժ է, ապա մյուսը ևս քողարկված նույնպիսի ուժ է: Քաղաքական, տնտեսական համակարգային խիստ լյուստրացիայի անհրաժեշտություն կա, մինչ այդ մենք չենք կարող ձևավորել ազգային, պետական, ժողվրդավարական համակարգ»,-նկատեց նա:
