ՀՀ վարչապետի ժամանակավոր պաշտոնակատար Նիկոլ Փաշինյանն «Իմ քայլը» դաշինքի անդամների հետ ուղևորվել է Վայք, հանդիպել տեղի բնակիչների հետ:
«Ինչքան ավելի ինքնավստահ լինի քաղաքացին, այնքան ավելի լավ մեզ համար: Մենք խնդիրների լուծման մի բանաձև ենք տեսնում, և այդ բանաձևի անունն աշխատանք է: Մենք առաջիկային լրջագույն փոփոխությունների ենք ենթարկելու հարկային բիզնեսը, մինչև 24 միլիոն շրջանառություն ունեցող բիզնեսն ազատվելու է հարկերից»:
Նիկոլ Փաշինյանը նշել է, որ ՀՀ տարբեր քաղաքներում իրեն պատմել են, որ տարբեր աշխատամասերում կան թափուր աշխատատեղեր, և մարդիկ չեն գնում այդտեղ աշխատելու: Նա նշեց, որ մի կողմից կա գործազրկություն, աղքատության մեծ տոկոս, բայց մյուս կողմից կան թափուր աշխատատեղեր, որոնք հնարավոր չի լինում լրացնել:
