Տնտեսական ոլորտը լուսաբանող լրագրողների միջազգային կոնսորցիումը, որը մասնագիտացած է հետաքննությունների մեջ, հրապարակել է տվյալներ օֆշորներում Չինաստանի առաջին անձանց և խոշոր գործարարների գործունեության մասին:
Լրագրողական հետաքննության տվյալներով՝ 1990-ակաների վերջից օֆշորային ընկերությունների ծառայություններին են դիմել մոտ 21 հազար հաճախորդներ՝ Չինաստանից և Հոնկոնգից:
Լրագրողների կարծիքով՝ 2000 թվականից նրանք Կարիբյան օֆշորային գոտի են ուղարկել մինչև 4 տրիլիոն դոլար՝ հայտնում է The Guardian-ը:
Լրագրողները նշել են, որ օֆշորային ընկերությունների կիրառմամբ սխեմաներում գործել են չինացի քաղաքական գործիչ Դեն Սյաոպինի, նախագահ Սի Ցզինպինի, նախկին նախագահ Հու Ցզինտաոյի հարազատները: Ընկերությունների ստեղծման գործում միջնորդների դերով հանդես են եկել խոշոր արևմտյան բանկերն ու աուդիտորական ընկերությունները, ինչպիսիք են՝ PricewaterhouseCoopers-ը, Credit Suisse-ն ու UBS-ը:
