«Սփյուռքի ԶԼՄ-ների երիտասարդ լրագրողների դպրոց» ծրագիրը սփյուռքի նախարարության հերթական նախաձեռնությունն է, որ Հայաստան է կանչում սփյուռքահայ երիտասարդներին։ Այս անգամ վերապատրաստման երեքշաբաթյա ծրագրին մասնակցելու համար 11 երկրից Հայաստան է եկել 19 լրագրող։
Ինչպես տեղեկացրեց սփյուռքի նախարար Հրանուշ Հակոբյանը, արտերկրում աշխատող հայ լրագրողներին հայերնիք բերելու գաղափարը ծագել Լեռնային Ղարաբաղում կայացած ԶԼՄ-ների համաժողովի ժամանակ։
«Սփյուռքի ԶԼՄ-ների երիտասարդ լրագրողների դպրոցի» մասնակիցները հնարավորություն կստանան առնչվել հայաստանյան և Սփյուռքի անվանի մասնագետների հետ, պրակտիկա անցնել հայաստանյան ԶԼՄ-ներում, ինչպես նաև շրջել հայրենիքի տեսարժան վայրերում։ Հրանուշ Հակոբյանը կարևորում է ծրագիրը հատկապես տեղակատվական պատերազմների այս դարաշրջանում, որտեղ, ցավոք, մենք դեռ առաջատարների շարքում չենք։ Նախարարը նշում է, որ սփյուռքի լրագրողների աշխատանքը մեծ նշանակություն կարող է ունենալ թուրք-ադրբեջանական ապատեղեկատվական քաղաքականության դեմ պայքարելու հարցում։
Սփյուռքահայ լրագրողներին ԵՊՀ-ում ընդունեց ռեկտոր Արամ Սիմոնյանը։
«Արցախի խնդիրը, Ցեղասպանության ճանաչման խնդիրը և այլ կենսական խնդիրներ անհրաժեշտ չափով չեն լուսաբանվում։ Մենք կարիք ունենք հայի նոր կերպարի ստեղծման։ Այս հարցում կարևոր է ԶԼՄ-ների դերը»,- ողջույնի խոսքում ասաց Արամ Սիմոնյանը։
Հանդիսավոր բացման ավարտին սփյուռքահայ լրագրողները ավարտական դիպլոմներ կշնորհեն ԵՊՀ լրագրության ֆակուլտետի այս տարվա շրջանավարտներին։
